Sýningaárið byrjaði með stæl um liðna helgi, þar sem u.þ.b. 1100 voru skráðir. Að venju var andrúmsloftið gott og spenna í loftinu. Margir frábærir fulltrúar mættu í hringinn en sá sem stóð uppi sem sigurvegari helgarinnar var lhasa apso hundurinn ISJCH Kutani Rufus Astarte Gold.  

Dómarar helgarinnar voru Anthony Kelly frá Írlandi, Christian Jouanchicot frá Frakklandi, Espen Engh frá Noregi, Lisa Molin frá Svíþjóð, Markku Mähönen frá Finnlandi, Morten Matthes frá Danmörku, Rosa Agostini frá Ítalíu og Sóley Ragna Ragnarsdóttir sem dæmi unga sýnendur.
Að venju var frábær þátttaka hjá yngstu kynslóðinni en 35 ungir sýnendur voru skráðir á sýninguna.

Hér má sjá úrslit og myndir af sigurvegurum helgarinnar, en von er á dómaraviðtölunum og þegar þau eru tilbúin verður greinin uppfærð. 

Á tenglunum hér að neðan má finna myndir frá sýningunni á facebook síðu HRFÍ: 
Keppni ungra sýnenda. 
Laugardagur. - tegundahópar 2, 3, 4, 5, 6, 8 og 10.
Sunnudagur. - tegundahópar 1, 7 og 9. 

Fyrsta sýning ársins var haldin sunnudaginn 29. janúar í reiðhöll Mána á Mánagrund í Keflavík.
​Samtals voru um 120 hvolpar skráðir til leiks af 40 tegundum. Keppt var í tveimur aldursflokkum, ungviða-flokki (3-6 mánaða) og hvolpa-flokki (6-9 mánaða).
Mjög góð stemning var á sýningunni og yndislegt að fá að fylgjast með ungviðinu, mörgum hverjum stíga sín fyrstu skref í sýningahringnum.  Það má því segja að þetta hafi verið ansi góð byrjun á sýningaárinu, en fyrirhugaðar eru sýningar hjá félaginu í mars, júní, ágúst, október og nóvember.
Allar upplýsingar um fyrirhugaðar sýningar má finna hér á vefsíðu félagsins.

Dómarar sýningarinnar voru Anna Guðjónsdóttir, Ágústa Pétursdóttir, Erna Ómarsdóttir og Theodóra Róbertsdóttir sem dæmdu hvolpana í tegundadóm. Auður Sif Sigurgeirsdóttir dæmdi bestu ungviði sýningar og Lilja Dóra Halldórsdóttir dæmdi bestu hvolpa sýningar.