Sóley Ragna gestur í þættinum „talking dogs with Ante“

Sóley Ragna og hundurinn hennar, hann Kappi sem er íslenskur fjárhundur.

​Sóley Ragna Ragnarsdóttir er hundakona með meiru, hún hefur átt hunda síðan hún var barn, tók þátt í ungum sýnendum, hefur dvalið hjá ræktendum erlendis, byrjaði í dómaranámi 15 ára og er nú hundasýninga dómari með réttindi til þess að dæma íslenska fjárhundinn auk 14 annara tegunda úr tegundahópum 5, 2 og 9.

Hún hefur verið með fræðslufyrirlestra um byggingu hunda auk skemmtilegra umfjallana um íslenska fjárhundinn t.d. í sambandi við dag íslenska fjárhundsins.

Á næstu sýningu sem haldin verður helgina 4.- 5. mars í Samskipahöllinni í Kópavogi mun Sóley dæma keppni ungra sýnenda þar sem 35 börn á aldrinum 10-18 ára munu taka þátt.
​
Sóley var gestur í þættinum „talking dogs with Ante“ þar sem hún ræddi hundalífið, hvernig þetta byrjaði allt, reynslu sína og skoðanir á hinum ýmsu þáttum þess að rækta, eiga, dæma og sýna hunda.  

Hér má finna viðtalið í heild sinni.