Höfundur & myndir: Linda Björk Jónsdóttir Aðalfundur félagsins var haldinn miðvikudaginn 3. maí í nýju húsnæði sem félagið festi nýlega kaup á sem er staðsett að Melabraut 17 í Hafnafirði. Góð mæting var á fundinn. Farið var yfir helstu málefni félagsins meðal annars skýrslu stjórnar, reikninga, stjórnarkjör, rekstraráætlun, skýrslu siðanefndar, dómsmál og kaupin á húsnæðinu. Auk þess var umræða um tillögu að sett yrði í reglur félagsins að DNA sýnum ætti að skila úr öllum ræktunardýrum. Þannig myndi hægt og bítandi safnast í gagnabanka sem hægt væri að leita í ef upp kæmu vafamál. Tillagan var felld. Hér má finna efni sem voru til afgreiðslu á fundinum á vef HRFÍ. Þau Daníel Örn Hinriksson - formaður, Maríanna Gunnarsdóttir og Helga Kolbeinsdóttir gáfu ekki kost á sér til áframhaldandi stjórnarsetu og eru þeim færðar kærar þakkir fyrir ómetanleg störf í þágu félagsins undanfarin ár. Fráfarandi stjórn ásamt nýkjörinni stjórn félagsins. Frá vinstri: Helga Kolbeinsdóttir, Maríanna Gunnarsdóttir, Daníel Örn Hinriksson, Erna Sigríður Ómarsdóttir, Guðbjörg Guðmundsdóttir, Ingibjörg Salóme Sigurðardóttir, Anna María Ingvarsdóttir, Anna Guðjónsdóttir, Anna María Gunnarsdóttir og Erla Heiðrún Benediktsdóttir. Stjórnarkjör fór fram á vefnum þar sem félagsmenn þurftu að skrá sig inn með rafrænum skilríkjum til að kjósa. Nýja stjórn skipa: Formaður: Erna Sigríður Ómarsdóttir – ný inn. Aðalstjórn: Anna Guðjónsdóttir. Anna María Gunnarsdóttir – ný inn. Erla Heiðrún Benediktsdóttir – ný inn. Guðbjörg Guðmundsdóttir. Varastjórn: Anna María Ingvarsdóttir – endurkjörin. Ingibjörg Salóme Sigurðardóttir. Comments are closed.
|
Loading... |