Alþjóðleg norðurljósasýning og jafnframt fyrsta sýning ársins var haldin helgina 1. – 2. mars 2025. Að venju var sýningin glæsileg og skráningin góð en um það bil 1.100 hundar voru skráðir ásamt 26 ungum sýnendum. Dæmt var í 7 hringjum báða dagana. Frítt var inn á sýninguna í boði HAPPY DOG.
​
Besti hundur sýningar að þessu sinni var íslenska fjárhunds tíkin ISCH NORDICCH ISW22 RW22 23 24 Arnarstaða Baldintáta. Baldintáta, eða Táta eins og hún er kölluð, er tæplega 5 ára og í eigu ræktenda sinna þeirra Guðríðar Þorbjargar Valgeirsdóttur og Þorbjargar Ástu Leifsdóttur. Sýnandi hennar var Hrönn Valgeirsdóttir.

Dómarar sýningarinnar voru þau  Bojan Matakovic frá Króatíu, Eva Liljekvist Borg og Hans Almgren frá Svíþjóð, Jarmo Hilpinen frá Finnlandi, Jeff Horswell frá Bretlandi, Jose Doval Sanchez frá Spáni og Lilja Dóra Halldórsdóttir frá Íslandi. 

Síðasta sýning ársins var haldin í reiðhöll Spretts í Kópavogi helgina 23. – 24. nóvember. Rúmlega 1050  hundar voru skráðir ásamt 28 ungum sýnendum. Besti hundur sýningar var irish soft coated wheaten terrier rakkinn ISCH NORDICCH CIB ISW22 RW22-23-24 Wheaten Island's Duke Fletcher en eigandi hans er Hilda Björk Friðriksdóttir og ræktendur hans eru þau Marianne Dehlvin og Per Faléus. Má segja að Fletcher sé búinn að eiga stórkostlegt ár í sýningahringnum með Bergdísi Lilju Þorsteinsdóttur sýnanda sínum þar sem þau hafa saman unnið titilinn „besti hundur sýningar“ þrisvar sinnum á árinu.
​
Dómarar sýningarinnar voru Anna Guðjónsdóttir, Ásta María Guðbergsdóttir og Sóley Halla Möller frá Íslandi, Elina Haapaniemi og Veli-Pekka Kumpumäki frá Finnlandi, Bo Skalin, Jan Herngren og Mats Jonsson frá Svíþjóð ásamt Tammie Sommerson-Wilcox frá Bandaríkjunum sem dæmdi unga sýnendur.
. 

Bestu ungviði sýningar: 
Dómari: Sóley Halla Möller. 

Alþjóðleg sýning félagsins var haldin helgina 29. & 30. september í reiðhöll Spretts í Kópavogi. Alls voru 1080 hundar skráðir á sýninguna og 34 krakkar í unga sýnendur. Besti hundur sýningar að þessu sinni var dachshund tíkin Minidogland Yakitori en hún er í eigu Jóhönnu Mjallar Tyrfingsdóttur og ræktandi hennar er Romashova, I.A.

Dómarar helgarinnar voru þau Aleksandar Petrovic frá Serbíu, Ágústa Pétursdóttir og Sóley Halla Möller frá Íslandi, Maija Lehtonen, Tanya Ahlman-Stockmari og Saija Juutilainen frá Finnlandi, Ramune Kazlauskaite frá Litháen og Tino Pehar frá Króatíu. 

Myndir á facebook síðu HRFÍ: 
★ Laugardagur 28. september - tegundahópar: 1, 2, 6, 8 & 10.
★ Sunnudagur 29. september - tegundahópar: 3, 4, 5, 7 & 9.
★ Ungir sýnendur. 

★ Sýningaskrá, umsagnir og úrslit í einstaka tegundum. 
​

Helgina 8. - 9. júní 2024 var Reykjavík winner sýningin haldin á Víðistaðatúni í Hafnafirði þar sem næstum 1200 hundar mættu til leiks. Veðrið var með íslenskasta móti en víða mátti sjá glitta í lopapeysur og dúnúlpur á laugardeginum á meðan sólarvörnin var hið mesta þarfaþing á sunnudeginum.
Dómarar sýningarinnar voru þau Karl-Erik Johansson, Sonny Ström og Eva Nielsen frá Svíþjóð, Beata Petkevica frá Lettlandi, Erna Sigríður Ómarsdóttir frá Íslandi, Gunnar Nymann frá Danmörku, Jean Lawless og Paul Lawless frá Írlandi auk Kaisa Matteri Gold frá Finnlandi.

Keppni ungra sýnenda fór fram báða dagana, á laugardeginum voru 28 ungmenni skráð og Francesca Cassin dæmdi. Á sunnudeginum voru 23 ungmenni skráð og Hugo Quevedo dæmdi. Hugo hélt svo námskeið fyrir áhugasama unga sýnendur á mánudeginum eftir sýningu.

​Rallýpróf voru haldin í fyrsta sinn á sýningu HRFÍ, Þórhildur Bjarmarz dæmdi prófin á laugardeginum en Silja Unnarsdóttir á sunnudeginum.

Tenglar á myndir á facebook síðu HRFÍ:
> Laugardagur.
> Sunnudagur.
> Keppni ungra sýnenda á laugardegi.
> Keppni ungra sýnenda á sunnudegi.

Úrslit og umsagnir allra hunda á sýningunni. 

Lilja Dóra Halldórsdóttir
Lilja dæmdi úrslit í yngri hvolpaflokki á hvolpasýningu HRFÍ í nóvember. 

Hvolpasýningar frábær æfing fyrir ungviðið
Hvolpasýningar eru frábær æfing fyrir hvolpa og sýnendur, almennt minni og rólegri viðburður en stóru all-breed sýningarnar okkar. Þá eru þær mikilvægur vettvangur fyrir dómara og dómaranema að æfa sig á nýjum tegundum, máta umsagnir og þjálfa augað. Hvolpar eru auðvitað það dásamlegasta í heimi og  mér finnst mikilvægt að gefa þeim þann tíma sem þeir þurfa til að sýna sínu góðu hliðar. Það getur verið yfirþyrmandi fyrir ungan hvolp að koma inn í sýningahöll innan um allt fókið og hundana og láta ókunnuga manneskju svo skoða sig í krók og kima í sýningahringnum. Ég geri það sem ég get til að upplifun þeirra verði sem best og finnst það mikilvægara en að hvolpurinn þoli alla skoðun.
Hvolpasýningin í nóvember held ég að sé sú stærsta sem félagið hefur haldið. Reiðhöllin í Víðidal var ansi köld þennan dag og við þurfum að huga betur að því næst. Ég fékk marga framúrskarandi hvolpa inn í hring og sérstaklega langar mig að nefna french bulldog og chow-chow. French bulldog hvolparnir voru 11 talsins og almennt af góðri tegundargerð. Stjarnan var lítil þriggja mánaða tík með mikla útgeislun, áhyggjufullan svip og sem hreinlega átti hringinn þegar hún fór af stað. Besti hvolpur var 6 mánaða mjög fín tík með fallegt höfuð, þéttan líkama og týpískar hreyfingar. Chow hvolparnir fjórir voru allir af réttri tegundargerð, jafnir að hæð og lengd, með heilbrigð augu, sterkleg höfuð og líkama og hinar týpísku fremur stuttu „skimming“ hreyfingar.
Ég dæmdi úrslit í besta ungviði sýningar (3-6 mánaða) og taldi 35 hvolpa í stóra hringnum, algjörlega dásamleg skott þar sem margir gripu augað fyrir framúrskarandi tegundargerð, lofandi útlínur, svip og hreyfingar. Svo duglegir allir saman og margir að koma á sína fyrstu sýningu! Ég vildi óska að ég hefði haft allavega tíu sæti til að raða í, en á endanum stóðu eftir glæsilegur íslenskur fjárhundsrakki, flatcoated retriever rakki með sérlega fallegar hreyfingar, litla french bulldog apparatið og fallega byggð sheltie tík, í þessari röð.
​Mig langar að þakka öllum eigendum og sýnendum fyrir skemmtilegan (en kaldan) dag og ég vona að hvolpasýningarnar okkar verði reglulegur viðburður í framtíðinni.