Sérsýning tíbetskra tegunda

Höfundur: Alexandra Björg Eyþórsdóttir. // Myndir: Anja Björg Kristinsdóttir og Pétur Alan Guðmunsson. // Birtist í 3. tbl. 45. árg. desember 2016.

Hópur áhugasamra félagsmanna ákváðu að standa fyrir sérsýningu fyrir hunda sem eru frá Tíbet. Þetta er í fyrsta sinn sem slík sýning er haldin hérna á Íslandi, en svona samsýningar tíðkast erlendis. Á Íslandi eru þetta tegundirnar lhasa apso, shih tzu, tíbet spaniel og tíbet terrier. Dómari sýningarinnar var Yvonne Cannon en hún hefur ræktað Shih Tzu í mörg ár undir ræktunarnafni sínu Cloughlea og hefur gefið út bækur um tíbetskar tegundir. Sýningin fór fram í Gæludýr.is þann 5. september sl. og 43 hundar voru skráðir til leiks.
​4 lhasa apso, 12 shih tzu, 22 tíbet spaniel og 5 tíbet terrier. Var þetta því hin glæsilegasta sýning. Sýningin hafði verið auglýst á Facebook og voru allir stólar setnir af áhugasömu fólki sem vildu fylgjast með. Yvonne var mjög ánægð með hundana og sagðist vera ánægð að sjá hvað ungu hundarnir voru vel gerðir, en það voru tveir ungliðar sem unnu sína tegund á sýningunni. Framtíðin er því ansi björt má segja hjá þessum tegundum og ræktun þeirra til fyrirmyndar.

Úrslit sýningar voru eftirfarandi:
BIS 1
Tibetan Terrier
ISCH RW- 15 RW-16 Karicema Adinah
BIS 2
Shih Tzu
C.I.B ISCH NLW-15 RW-15 RW-16
Ta Maria The Bombastic Beat
BIS 3
Tibetan Spaniel
ISJCH Tíbráar Tinda Mudita
BIS 4
Lhasa Apso
ISJCH RW-16
Xsanda Beyond My Wildest Dreams